خمسين سنة داكرامي

من طرف **asfr** الإثنين سبتمبر 24, 2007 8:20 am

خمسين سنة
يا بو قلب أخضر والقصيدة فيه بتطرح سوسنة
عقبال كمان خمسين سنة
تفضل كده ماسك كمان
حاجز مكان
على شط بحر الشعر تعزف للقلوب الطاهرة أجمل دندنة
أما أنا
وأنا باقرا شعرك ده بيدخل للكيان ويشدني
مني ويرميني على رمل البحور الممكنة
معرفش ليه بتهزني
رعشة سعادة حنينة
وألقاك هناك
فارد شراعك للمدى
والريح مطاوعة مركبك
وكأن ربك ركبك
قارب هدى
بتحط إيدك ع الجراح تبرد
وتلقى وقتها الفرح ابتدا
و"عيون بهية" تندهك
فتقوم وتبعت للوطن مليون ندا
غرقت قلوعي في بحارك يا وطن
تايه "زمان العولمة"
وانت السكن
اديني ودنك لحظتين
نرجع معا
دا انا كنت باصرخ من زمان
وأقول " أعرني مسمعا )
..
نادي عليه لازم في مرة هيسمعك
نادي بهية يا ياسين
نادى عينيها الطيبين
هتمد كف حنينة
ولحضنها