الاختيار يتعيش حصان داكرامي

من طرف **asfr** الإثنين سبتمبر 24, 2007 8:14 am

لازم يا صاحبى ف محنتك تاخد قرار
الليل بيفرد عتمته
دمعاية فوق خد النهار
والغالية كتفها الأسى
ونجومها ضلت فى المدار
حدد هوية لأمنياتك يا صديق
خلّى البراح فى خطوتك
على قد شوقك للطريق
علشان تلاقى سكّتك
وافلت بأنفاس أمتك
من بين نياب الاحتضار
خليك جدع
من غير تردد أو فزع
سمعنى إيه الاختيار
يا تعيش حصان
ياتعيش ....
حمار !!

4 عدد المشاهدات لهذه القصيدة