شعبيات الداعي بالخير -1

من طرف **shabanah2007** الأربعاء يناير 14, 2009 3:12 am

شعبيات الداعي بالخير -1
لوحات من ذاكرة القرية
نظم الداعي بالخير: صالح صلاح شبانة
Shabanah2007@yahoo.com

1- لِقرُقه
حَنّت الجاجه للأمومه وقرقت ، ولملمنالها البيض من عند الجيران
من كل دار فيها سيد ديك ، معنقر عتنر سيد الفرسان
وقعدت الجاجه عَ البيضات ، وصرنا انعد الها الزمان
تفقست وتناثرت حواليها ، ما شا لله قطة صيصان
ما نسمع غير الزيق والبيق ، منظر يفرحله قلب الإنسان
وصارت الجاجه أم عيله ، والسيد ديك بكيكس عَ الحيطان
2- حمارة الشبح
ساق الله يوم بقت شبحنا ، حماره معافيه من الجمرك والضريبه
بنزينها مخلاة تبن وشعير ، وكراجها الأليكتروني زريبه
نهيقها من قحف راسها ، ورفستها إذا حَرّقت مصيبه
ساق الله يوم بقت مشيتها ، مثل العروس الغاليه الحبيبه
دقة حافرها وحركة ذنبها ،بتلهلب قلوب الحمير الحَبّيبه
وللإنسان بقت هالحماره عز ، جعصته على حلسها مهيبه
3 - الفارس
صيد الدباعي فروسيه ، بعد ما ترجلوا الفرسان
وحطوا سيوفهم بغمودها ، وعلقوها عَ الحيطان
بقيت أجيب لِحصيني ذليل ، عَ غيره مالي سلطان
صرت فارس وصيتي معي ، أرعب الأرانب والغزلان
والشنار إذا سمع حِسي ، هَجّ عن افراخه ذعران
أنا الفارس في الزمن اللي ، انهفوا الفوارس فيه والشجعان
4-الديك
يا ديك يا للي شايف حالك ، عيني تشوفك فاضي مشغول
عَ الجاجات عامل حالك عنتر ، في المعارك سيفك مسلول
يا ديك ماأنتاش قد الجعصه ، يا خوفي أشوفك مقتول
يا ما ناس بتتمنى تشوفك ، مقنبز عَ قور المفتول
وبعد ما بقيت سلطان زمانك ، صرت جوّه لِبطون مأكول
يا ديك هَدّي اللعب شويه ، وخليك حوالين المعقول
تقرأ بلهجة أهل سنجل

من طرف **انابيل** الخميس يناير 22, 2009 6:56 am

shabanah2007 كتب:
شعبيات الداعي بالخير -1
لوحات من ذاكرة القرية
نظم الداعي بالخير: صالح صلاح شبانة

4-الديك
يا ديك يا للي شايف حالك ، عيني تشوفك فاضي مشغول
عَ الجاجات عامل حالك عنتر ، في المعارك سيفك مسلول
يا ديك ماأنتاش قد الجعصه ، يا خوفي أشوفك مقتول
يا ما ناس بتتمنى تشوفك ، مقنبز عَ قور المفتول
وبعد ما بقيت سلطان زمانك ، صرت جوّه لِبطون مأكول
يا ديك هَدّي اللعب شويه ، وخليك حوالين المعقول
تقرأ بلهجة أهل سنجل

مالهون عارفين هالديوك انهون اخرتهون رايحين عالبطون
المشكلة وين ما بروح بلاقي هالديك بصيح ونافش حاله تقول مفكر حاله نسر ولا ما بعرف شو قصته بالضبط
ومتل ما بقول المتل:
كل ديك على مزبلته صياح