شعبيات الداعي بالخير – 3

من طرف **shabanah2007** الجمعة يناير 16, 2009 9:20 am

شعبيات الداعي بالخير – 3
لوحات من ذاكرة القرية
نظم الداعي بالخير: صالح صلاح شبانة
Shabanah2007@yahoo.com
Mah1962@maktoob.com
9- السخل أبو الذنين
يا سخل يا ابو ذنين طوال ، يا مربى عَ العز ..والدلال
يا شارب ميه مصفيه ، وماكل شعير مهزوز بالغربال
وزريبتك كل يوم منظفه ، خدمتك ما بتغيب عن البال
وخاطرك عَ الراس والعين ، ما بنقطع عنك السؤال
العنزه أمك والتيس أبوك ، يا عزيز لِعمام ولِخوال
يا للي جاهك عريض وأصلك ، عَ العين وفضلك عَ الراس عقال
10- وجبه
شو أخبار العكوب والمرار ، والرجوم منبت الزعتر و الميرميه
ووين أيام شمة الهوا ، والسراحه بين ربوع البريه
والخرفيش طري مثل الخس ، والعلك ورقاته طريه
وراس البصل الفحل والخبز ، مدهَّن بالزيت أكله هنيه
واذا صح طافور جبنة رعيان ، وأكم من حبة بندوره مستويه
وكيشة رصيع وكم طورة قطين ، تمام الأكل وزيادة التحليه
11- البُرّك والشحتوت
أخذنا العيدان ورحنا ننبش الأرض ، تنلقط كعاكل طعُم للفخاخ
لعصفور معمي الضَوّ مَدْوور ، في عشق الكعاكل والدود داخ
نصبنا لِفخاخ ودملناها بالتراب ، وجهزنا المقلى واستعد الطباخ
عَ لحم شحتوت وبُرَّكَه وبليدي ، طبق الفخ عَ رقبته وقال طاخ
في كار الكعاكل والدود أنا ، شاب شعري ووجهي شاخ
يا مين شم ريحة لحم مشوي عنا ، ودهن من لحم العصفور ساخ
12-نرجع
بقيت محجر العين والمدمع ، وبقيتِ نصل الخنجر اللي بلمع
اللي انغرز في القلب من جوّه ، ولا راضي يبسحب ولا يطلع
وبقيت مزراب دارنا الحنون ، اللي جوّه بير النجاصه يشقع
وبقيتِ الجبل العالي فوق ، اللي ما بيرضى يتواضع ولا يخضع
انولدتِ وتربيتِ وكبرتِ فيّ ، ومن حبك ماني قادر أقشع
إنت يا بلدنا ياللي مهما غبنا عنك ، لازم الك نرجع
تقرأ بلهجة أهل سنجل

لوحات من ذاكرة القرية
نظم الداعي بالخير: صالح صلاح شبانة
Shabanah2007@yahoo.com

9- السخل أبو الذنين
يا سخل يا ابو ذنين طوال ، يا مربى عَ العز ..والدلال
يا شارب ميه مصفيه ، وماكل شعير مهزوز بالغربال
وزريبتك كل يوم منظفه ، خدمتك ما بتغيب عن البال
وخاطرك عَ الراس والعين ، ما بنقطع عنك السؤال
العنزه أمك والتيس أبوك ، يا عزيز لِعمام ولِخوال
يا للي جاهك عريض وأصلك ، عَ العين وفضلك عَ الراس عقال
10- وجبه
شو أخبار العكوب والمرار ، والرجوم منبت الزعتر و الميرميه
ووين أيام شمة الهوا ، والسراحه بين ربوع البريه
والخرفيش طري مثل الخس ، والعلك ورقاته طريه
وراس البصل الفحل والخبز ، مدهَّن بالزيت أكله هنيه
واذا صح طافور جبنة رعيان ، وأكم من حبة بندوره مستويه
وكيشة رصيع وكم طورة قطين ، تمام الأكل وزيادة التحليه
11- البُرّك والشحتوت
أخذنا العيدان ورحنا ننبش الأرض ، تنلقط كعاكل طعُم للفخاخ
لعصفور معمي الضَوّ مَدْوور ، في عشق الكعاكل والدود داخ
نصبنا لِفخاخ ودملناها بالتراب ، وجهزنا المقلى واستعد الطباخ
عَ لحم شحتوت وبُرَّكَه وبليدي ، طبق الفخ عَ رقبته وقال طاخ
في كار الكعاكل والدود أنا ، شاب شعري ووجهي شاخ
يا مين شم ريحة لحم مشوي عنا ، ودهن من لحم العصفور ساخ
12-نرجع
بقيت محجر العين والمدمع ، وبقيتِ نصل الخنجر اللي بلمع
اللي انغرز في القلب من جوّه ، ولا راضي يبسحب ولا يطلع
وبقيت مزراب دارنا الحنون ، اللي جوّه بير النجاصه يشقع
وبقيتِ الجبل العالي فوق ، اللي ما بيرضى يتواضع ولا يخضع
انولدتِ وتربيتِ وكبرتِ فيّ ، ومن حبك ماني قادر أقشع
إنت يا بلدنا ياللي مهما غبنا عنك ، لازم الك نرجع
تقرأ بلهجة أهل سنجل

من طرف **انابيل** الخميس يناير 22, 2009 7:06 am

shabanah2007 كتب:

12-نرجع
بقيت محجر العين والمدمع ، وبقيتِ نصل الخنجر اللي بلمع
اللي انغرز في القلب من جوّه ، ولا راضي يبسحب ولا يطلع
وبقيت مزراب دارنا الحنون ، اللي جوّه بير النجاصه يشقع
وبقيتِ الجبل العالي فوق ، اللي ما بيرضى يتواضع ولا يخضع
انولدتِ وتربيتِ وكبرتِ فيّ ، ومن حبك ماني قادر أقشع
إنت يا بلدنا ياللي مهما غبنا عنك ، لازم الك نرجع
تقرأ بلهجة أهل سنجل

كلمات جميلة جداً يا استاذ صالح
ان شاء الله بترجع فلسطين وكل البلاد المحتلة