قصة حب فرقتها الطائفية

صدك حبيبي لغيري هسة تصير
صدك مليت مني وبعد متحبني
صدك هانت عليك سنينة الحلوات
وماهانت عليك شلون تتركني
ومن يمتة المذاهب نحسبلهة حساب
ومن يمتا الطوائف جانت تهمنا
اني لمن عشقتك ماسالت الناس
وماكنت ادري اصلك شيعي لو سني
شجاك تغيرت وبقلبك انتة شصار
جنت تموت بية وجنت اتحبني
وجنت اتنفسك وانتة الهوة بدنياي
وجنت لوتبعد لحضات تخنكني
معقولة الورد ينكر جميل الماء
وانتة بهلسهولة تنازلت عني
ماانكرمقصر جنت فترة وياك
لكن موبدية الوكت يجبرني
شفت يمك نفط وبين ايديك الماء
وانا بناري اشتعل ردتك تخلصني
لكيتك بلعكس مايك شمرتة بعيد
وجبت النفط بيدك حتى تحركني
شسولفلك بعد؟طعم السوالف راح
ردت منك توافي وخيبت ضني
ادري الوكت هوة خلة كلبك هيج
وادري الطائفية اللي باكتك مني
وقبل لاتبتعد عندي سؤال ارجوك؟؟؟؟
فكر وية روحك وعود جاوبني
باجر لومتت وتشوفني بتابوت
هم تبجي علية وبعد تذكرني
امير العاشقين