يعنى اية كلمة وطن يعنى تصحى فى عز نومك و انت خايف ما الزمن

من طرف **aboezra** السبت نوفمبر 12, 2011 4:25 am

يعنى اية كلمة وطن
يعنى تصحى فى عز نومك و انت خايف ما الزمن
يعنى اية كلمة وطن
يعنى كلمة تقولها ممكن تعتقل او تتسجن
يعنى اية كلمة وطن
تبقى بايت فى الشوارع كل حلمك فى السكن
يعنى اية كلمة وطن
يعنى خايف يوم عيالك يكبروا وسط المحن
يعنى اية كلمة وطن
يعنى حلمك يتسرق حتى صوتك يتكتم
يعنى تصرخ م الانين و انت معصور م الألم
-
يعنى ايه كلمة وطن
تعيش لوحدك كل يوم فى وسط زحمة بتسرقك
لا حد سامع صوت صراخك و لا حد يقدر ينقذك
حقك يضيع فى كل محنة و لا اى صاحب ينصرك
و انت ساكت مش بخوف بس صوتك يخذلك
تقضى ايامك فى وحدة تتمنى موتك ينجدك
-
يعنى رشوة بتتفرض
يعنى رايك يترفض
يعنى عمر بيتسرق
يعنى لازم تنحرف
-
يعنى لقمة عيش تاكلها سرطان بيسرى فى جتتك
يعنى تحمل هم خشبة فيوم مماتك تحملك
يعنى خايف فى المواصلة حد ينهش حرمتك
يعنى عايش عالمهية ما تكفى لقمة تاكلك
يعنى غربة فى وسط اهلك و صراخ عيالك يقتلك
يعنى تتمنى فى خيالك حد يسمع شكوتك
يعنى كل الناس حبايبك فلحظة ممكن تنكرك
-
تجرى مجنون فى الشوارع تسأل الناس فى السكك
انت عايش و لا ميت و تقول بكل قوتك
حد يجاوبلى سؤالى
يعنى ايه كلمة وطن ؟!!!!!!!!!!!!!