احلام الفلاح

من طرف **shabanah2007** الأحد فبراير 21, 2010 11:44 am

أحلام الفلاح
صورة تراثية حالمة محكية
بقلم الداعي بالخير : صالح صلاح شبانة
Shabanah2007@yahoo.com
محلا الزيت والزعتر ،وخبز الطابون لمقمر
اطلب يا حلو واتأمر ،شو ما بدك موجود

عنا من خير المولى ،أرزاق من نبت الحقله
ع طبق القش تتجلى ،والنفس الكريمه بتتجود

أهلا وسهلا بالضيفان ،على ما قسم الرحمن
وجه الأرض يزدان ،بعد البرق والرعود

بعد المطر والغيث ،أيام اترثينا ريث
فز الفلاح زي الليث ،يشد عَ الفدان العود

حرث وكرب وثنى ،تعب وعرق واتغنى
تيحصد ويجني ويتهنى ،كل فعلة محمود

قش النتش والقنديل ،ونام ليله الطويل
أحلامه ما بدها تأويل ،إمأوله عَ الزرع المرجود

ع صليبه القمح والصبره ،اللي منها جنا عمره
حققها رب القدره ،سبحان الرب المعبود
تقرأ بلهجة أهل سنجل