أسأل عن علاج للعزوبية

من طرف **Bekooo** الخميس نوفمبر 13, 2008 3:17 pm

نزلت في يوم الصيدلية

أسأل عن علاج للعزوبية
وصفولي الحياة الزوجية
ونصحوني قبل ما أخده أقرا النشرة الداخلية
قلت مش مهم بس أقضي على اسمها ايه دية
وفعلا دخلت قفص الحياة الرومانسية
حب ودلع وأهم من ده كله مابقيتش لوحدية
وفي كل مناسبة نجيب لبعض هدية
ونختلف لكن نتناقش ونوصل للحل بصورة ودية
ونجيب عيلين يبقو عزوة ويملو علينا البيت شوية
عظيم خفيت من العيا وعايشة حياة هنية
نتفسح ونخرج وكله مية مية
وتيجي خناقة, زي الموجة بسرعة تروح معدية
ونقول دي من توابل الحياة الأساسية
وتمر مشكلة بسيطة كدة, أمور شكلية
مش مهم مين غلطان دي مش مواضيع جوهرية
طالما القصد خير, فإنما الأعمال بالنية

هي مالها الحياة كده بقت عادية؟
والمعارك كترت كدة لية, كانت فين مستخبية؟
قومي اكوي لي القميص يا ولية
الله؟ مش ده اللي قبل كدة كان بيقول يا نور عنية؟
بص كويس في دولابك حتلاقى قمصانك كلها مغسولة ومكوية
هبلت في الرد أنا باين علية
مش مهم حأرد بطريقة أحسن المرة اللى جاية
ايه اللي أنا حاسة بية ده ايه اللي بيجرا فية؟
وصبحت في يوم الصبحية
لقيت الدنيا بتلف بية
ومش قادرة تشيلني رجلية
وضغطي تلتمية وعشرين على تلتمية
على شوية آلام معدية
قلت أقرا الآثار السلبية
العلاج كله جوانب ايجابية
إلا أن القولون حيبقى دايما في حالة عصبية
وقد يحدث تضخم في الغدة الدمعية
وانتفاخ في الجفون الفوقانية
يصاحبه اكتئاب في الحالة النفسية
وتورم في الأحبال الصوتية
وتقلبات في الحالة المزاجية
وتغيرات شكلية
يا إما سمنة يا إما نحافة مرضية
شراهة أو فقدان شهية
تخمة من الاختلافات الفكرية
حموضة واضطرابات في القناة الهضمية
أنيميا وسوء تغذية
بدل الحديد , بلع زلط وقنابل نووية
على نسيان شوية مشاعر ضرورية
وارتجاج في الأوضاع الدماغية
طول اليوم أعمال منزلية
بيت وولاد وتربية
أعباء وتحمل مسؤولية
تصل لآلام روماتزمية
وأوجاع في السلسلة الفقرية
زعيق وخناق وحاجات جنونية
تأخر في القوى العقلية
نشاط في في جهاز المناعة اللي بقى دايما في حالة دفاعية
ضد الحروب البكتيرية
تصلب في الشرايين الهيامية
وانقباض في المشاعر القلبية
إمساك عن الكلمات الاعتذارية
اسهال في الشتائم المؤذية
توطن أمراض النكدية
التحول من حالة طيبة لحالة مفترية
فتق من كتر العنادية
انفجار في الزايدة الدودية
قصور في الوظيفه الكلامية
زيادة افراز هرمون العبودية
برد ونزلات شعبية
من كتر الأمطار الرعدية
وقد تشتكي من حساسية
وجيوب أنفية
وقلة حيلة وضعف شخصية
وصداع على شوية كبت حرية
وحبة أمراض مزمنة مستعصية
تدهور عام في الحالة الصحية
ولتخفيف هذه الآثار يرجى شرب مياه معدنية
وأكل الكثير من الخضروات الورقية
وقريت ملحوظة تحت اللآثار الجانبية
يجب المواظبة على العقار والاستمرارية
لكل اللي عاوزين الحياة الاسرية
فقد اثبتت الابحاث العلمية
أنه الوحيد من بين الأدوية
اللي يقدر يقضي على الحالة اياها بمنتهى الفاعلية
وأنا اللي كنت فاكرة الحياة جميلة وردية
ياريتني سمعت كلامهم يوم ما كنت في الصيدلية

شكرا قصه جميله

من طرف **abdalkhalq** الإثنين نوفمبر 17, 2008 6:45 am

والله حلوه واسلوب راقي وتعبير بليغ جدا

من طرف **aboezra** الإثنين نوفمبر 17, 2008 10:49 am

أسأل عن علاج للعزوبية
وصفولي الحياة الزوجية
ونصحوني قبل ما أخده أقرا النشرة الداخلية
قلت مش مهم بس أقضي على اسمها ايه دية
وفعلا دخلت قفص الحياة الرومانسية

شكرا علي هذا العرض
ولكن يبدو علي صديقنا متأثر بالحالة المزاجية
السيئة طبعا
ونسي وتناسي انه عاش بعض من الايام في جنة الاحلام
مع نصفه الاخر
أقول لمؤلف هذة الاقصوصة
لاتلم غيرك فأنت من يحمل المطرقة وهي الدف
بالتأكيد ستسمع نغمات قد لاتعجبك برغم انها من صنع يدك
تحياتي

من طرف **انابيل** الثلاثاء نوفمبر 18, 2008 12:47 am

aboezra كتب:أسأل عن علاج للعزوبية
وصفولي الحياة الزوجية
ونصحوني قبل ما أخده أقرا النشرة الداخلية
قلت مش مهم بس أقضي على اسمها ايه دية
وفعلا دخلت قفص الحياة الرومانسية
شكرا علي هذا العرض
ولكن يبدو علي صديقنا متأثر بالحالة المزاجية
السيئة طبعا
ونسي وتناسي انه عاش بعض من الايام في جنة الاحلام
مع نصفه الاخر
أقول لمؤلف هذة الاقصوصة
لاتلم غيرك فأنت من يحمل المطرقة وهي الدف
بالتأكيد ستسمع نغمات قد لاتعجبك برغم انها من صنع يدك
تحياتي

تحليل ممتاز :سقفة:
بس ليش الحكي والله ضحكتني عند الصبح يا bekooo

أسأل عن علاج للعزوبية

أسأل عن علاج للعزوبية

رد: أسأل عن علاج للعزوبية

رد: أسأل عن علاج للعزوبية

رد: أسأل عن علاج للعزوبية

رد: أسأل عن علاج للعزوبية