دستور ياسيادنا

من طرف **aboezra** الجمعة يوليو 18, 2008 6:05 am

دستور ياسيادنا

دستور ياسيادنا . . ياسيادنا دستور
ترزية القانون لعلعوا . . عشان جمال يورث
عزبة جدو مبارك . . قبل أبوه ما يغور

سوزى قلقت قوى . . خايفة العجوز يودع
قبل الوراثة ماتتم . . ويكفوا عالطابق ماجور

وبعد ماكانت ستنا الأولى . . تصبح مرات مرحوم
وكل حاجة تنكشف . . ويتعرى اللى كان مستور

شخطت فى جوزها وقالت . . فز ياراجل وقوم
العزبة حاتضيع يا حسنى . . إتحرك يابطل العبور
أعمل إيه معاك . . وف ركبك السايبة
لا فياجرا نافعة . . ولا مصحات ألمانيا
ولا دكاترة لندن . . ولا حتى حرق البخور
الناس صحيت يا نايم . . وفى الشوارع طلعوا
بيقولوا كفاية باطل . . وكفاية غش و زور

ده حتى حزبك الوطنى . . بدأ يزرجن معانا
أنس راقد لك فى الدرة . . ورشيد قاعد عالسور
عمر اللى عامل صاحبك . . قاعد بيرتب جنازتك
أوعى تصدق صفوت وكيمو . . ولا حتى فتحى سرور

عيال أميركا خصخصوا. . واصحاب الصهاينة مصمصوا
وشلة المعاشات حاتدبسك . . ويعدلوا الدستور
وإنت لابيك ولا عليك . . وفاكر إنك لسة ريس
ياشيخ إفهم بقى . . ده إنتا يادوب طرطور

جمال ياكبدى ضايع . . ماحدش طايقه أبدا
جو البلد وبراها . . أمريكا مش عايزه مغمور
بدل ماحا يبقى ريس . . حايبقى كبش الفدا
وبعد ولاد صدام . . إبنك عليه الدور

oselim@qhous.wanadoo.co.uk