اتحداك تملك قلب مثل هذا

قلب بالصح :ـ

ده ما القلب البجرسو شوق أذا ما اختار سميرو بعاد ولا القلب التبكى حبيبة لو غابت عن الميعاد
*****************
قلب من قام صحارى الألفة كان بيشقهن بالنوق محكوم بي سياج العفة في يوم ما سرح مطلوق شيال لى التقيل ما نحا لو ساد العمر اروق ورياد كريم وأجواد الا من الضعف معتوق
******************
ده ما القلب البجرسو شوق اذا ما اختار سميرو بعاد ولا القلب التبكى حبيبة لو غابت عن الميعاد
*****************
ده قلب نبيل وكلو جمال ما بيحقد على مخلوق مهما جرحوا المحبوب وخلا قليبه كلو شقوق كتوم من قام يضاحك غيرو صابر والجرح مفتوق عليه ما بيضحك الشمات تجرى دموعو روق فوق روق
**********************
ده ما القلب البجرسوشوق اذا ما أختار سميرو بعاد ولا القلب التبكى حبيبة لو غابت عن الميعاد
********************
قلب ما همو يقضى أيامو جنب الضامر المحزوق قلب مشغول بهم اكبر من اشواقوا ورضا المعشوق هم وطناً عشانو نزف دماهو على الأرض ماروق وهم انسان قضاياه كتار مو قادر عليها يحوق
*********************
ده ما لقلب البجرسو شوق أذا ما أختار سميرو بعاد ولا القلب التبكى حبيبة لو غابت عن الميعاد
*******************
قلبى انا حكيم يعرف متين يرتاح وينسى شقاهو يصفى يروق ومتين يعكر يكون فيضان ويبقى على الزرع خازوق
***********************
فشكراً يا حبيب الروح
شكراً يا حبيب الروح
*********************
فشكراً يا حبيب الروح على مروادك المطبوق انا لو حبيت بقدر زولى وأن فارق بفوت بي زوق
***********************
ده ما القلب البجرسو شوق أذا ما أختار سميرو بعاد ولا القلب التبكى حبيبة لو غابت عن الميعاد
***********************
قلبى انا ما القلب البجرسو شوق الا بيبكى لما يشوف ما بين الخلق في خلوق ماخدى طباعها من الغابة شايلة ضميرا ماشى السوق
*************************
وتانى بيبكى تانى ..........!!!
تانى بيبكى تانى ...........!!!
تانى بيبكى لما يشوف ما بين الحقوق في حقوق نزلت من سماها زلال وطارت من تحت لآ فوق
ده ما القلب البجرسو شوق أذا ما اختار سميرو بعاد ولا القلب التبكى حبيبة لو غابت ن الميعاد
**********************
وداعاًيا حبيب الروح ........!!
داعاً يا حبيب الروح ........!!
وداعاً وفي الختام دنياك مناى وراى تسوى القوق
يا حبيب الروح
وداعاً لا تقول بنساك وداعاً والقلـــــب محـــــروق
وداعاً وفى الختام دنياك مناى وراى تسوى القوق
تمدلك السعادة أيدينا ليكا تسوق يا حبيـــب الروح
سيبنى أعيش قسمتى وراك باسم والكـبد محروق
قسم بالله ..........!!
قسم بالله ..........!!
رغم جراحى لسه عليك قلبى شفوق
يا حبيب الروح .....!!
قبال الزمان يفرقنا بوصيكوالعتاب ملحوق
يا حبيب الروح ...!!
بخاف يا من رضيت لى معاك غضب أتمطق العميوق
بكره تجور عليك الدنيا ومن كاسـاً سقيتنى تضــوق ..
ده ما القلب البجرسو شوق ...!!
ده ما لقلب البجرسو شوق ...!!

من طرف **star** الجمعة يناير 11, 2008 12:00 pm

قسم بالله ..........!!
قسم بالله ..........!!
رغم جراحى لسه عليك قلبى شفوق
يا حبيب الروح .....!!
قبال الزمان يفرقنا بوصيكوالعتاب ملحوق
يا حبيب الروح ...!!
بخاف يا من رضيت لى معاك غضب أتمطق العميوق
بكره تجور عليك الدنيا ومن كاسـاً سقيتنى تضــوق ..
ده ما القلب البجرسو شوق ...!!
ده ما لقلب البجرسو شوق ...!!

اتحداك تملك قلب مثل هذا

اتحداك تملك قلب مثل هذا

رد: اتحداك تملك قلب مثل هذا